ليه يارب؟؟؟لييييه؟؟؟

" ليه يارب "

ليه يارب ؟ ليه يارب ؟ .. ليه بيحصلى كده ؟ اشمعنى أنا ؟

عبارات قلتها كتير .. و انتظرت أكتر .. و لكن للأسف : لا اجابه

لقيت ربنا بيقوللى : أجاوبك بتاع ايه ؟ و أجاوبك ليه ؟ .. هوه فى علاقه شخصيه بينى وبينك علشان أجاوبك ؟؟!

اللى بينى وبينك عامل زى الشارع ال one way .. شارع اتجاه واحد .. من تحت لفوق بس .. شارع مابتمشيش فيه غير عربيات ماركة : " طلبات " و ماركة " تظلمات " و كل فين و فين لما تمر فيه ماركة : " تشكرات " ... !!

لأنك لما بتقعد قدامى ( ده لو قعدت أصلا ) بتقول الكلمتين اللى عندك و تجرى .. مابتستناش علشان تسمعنى عايز أقولك ايه أو عايز منك ايه ...

سكت .. هاقوله ايه ؟؟ ماهى دى الحقيقه .. انا على طول مشغول و ورايا 100 حاجه .. و مابفتكرش ربنا الا لما تحصلى مصيبه .. وقتها بصرخ و أقوله : الحقنى " و " ليه يارب ؟ الى آخر قائمة الشكوى و الاعتراض .. مع ان على العكس .. لما بيدينى عطيه مابقولش ليه يارب ؟ ،
و يا افتكرت أشكره يا مافتكرتش ...!!

فى وقت ما .. زادت عليا الضغوط جدا .. و حصلى زى ما بيقول الكتاب :

" هكذا قال الرب : " أضيق عليهم لكى يشعروا " . أرميا 10 : 18

و شعرت فعلا اننى لازم أعيد حساباتى مع نفسى .. دلوقتى أمامى طريقين و قائدين مالهمش ثالث :

طريق ابليس ،،،،،، طريق الله

بالنسبه لطريق ابليس :
كلنا عارفين ان مفيش أسهل من ان الواحد يعمل الخطيه !! ... ده حتى عم بولس قال : " حينما أريد أن أفعل الحسنى .. أجد الشر حاضر عندى " . روميا 7 : 21 تخيل لما بولس نفسه يقول كده !!!!! يعنى أنا مش لوحدى فى الخيبه دى

طيب ده بالنسبه للى هيمشى فى طريق ابليس فى حياته : ذل و بهدله و نكد .

طب و بعد الموت ؟

" ان كان أحد لا يثبت فيه ( فى المسيح ) يطرح خارجا كالغصن ، فيجف و يجمعونه و يطرحونه فى النار ، فيحترق " . يوحنا 15 : 6

بعد الموت .. بعيد عنك .. هكون فى مكان فيه حريقه ليل و نهار .. و مافيهوش مصلحة مطافى تطفى .. لأن مافيهوش مصلحة مياه أصلا ( يعنى مش هلاقى ميه أبل بيها ريقى ) ، و مافيهوش مصلحة كهربه .. يعنى حتى مش هقدر أشوف اللى بيتشوى جنبى !!!!! ...

بالنسبه لطريق الله :

الكتاب بيقول : " ما أضيق الباب و أكرب الطريق الذى يؤدى الى الحياه ، و قليلون هم اللذين يجدونه " ! متى 7 : 14

يعنى الشخص اللى هيمشى فى الطريق ده لازم يكون سوبر مان علشان يقدر يقول للخطيه :

" لو اتنططى قدامى .. مش هعملك برضو " .!!

طب انا بقى ازاى هقدر امشى فى الطريق ده ؟

لقيته بيقوللى : " انا الكرمه و أنتم الأغصان .. الذى يثبت فيه و أنا فيه .. هذا يأتى بثمر كثير .. لأنكم بدونى لا تقدرون أن تفعلوا شيئا "

الله يارب على كلامك الجميل ،،، دوسى يا نفسى بعز على كل المغريات ( قضاه 5 : 21 )

و النفس الشبعانه تدوس العسل ، و للنفس الجائعه كل مر حلو .. أمثال 27 : 7

طب و القائد فى الطريق الحلو ده اسمه ايه ؟؟؟؟

الاسم الأول : المحب
" ليس لأحد حب أعظم من هذا : أن يضع أحد نفسه لأجل أحبائه " . يوحنا 15 : 13

" لأنه هكذا أحب الله العالم حتى بذل أبنه الوحيد لكى لا يهلك كل من يؤمن به بل تكون له الحياه الآبديه " . يوحنا 3 : 16

الاسم الثانى : الفادى :
" ليس بدم تيوس و عجول ، بل بدم نفسه ، دخل ( المسيح مره واحده الى الأقداس فوجد فداءا أبديا " . عبرانيين 9 : 1

الاسم الثالث : المخلص :
" الرب الهك فى وسطك جبار ، يخلص " . صفنيا 3 : 17

يارب انا ايمانى ضعيف و مش فاهمه ليه يارب بتحصلى حاجات وحشه ؟؟؟

يقوللى : " كل الأشياء تعمل معا للخير للذين يحبون الله ، اللذين هم مدعوون حسب قصده " . روميا 8 : 28

و ماتخفش .. كل تجربه و ليها آخر

رغم الظروف و الريح .. المركبه هتسير
و مهما هاجت بحور .. الرب له تدبير
يا بحر يا هايج .. ليه كتافى مش قدك ؟
بس اللى قدك معايا .. و فى مركبى ساكن
يقدر يعللينى على موجك .. ماهو ربك
يقدر كمان و بكلمته .. تصير ساكن

الاسم الرابع : الامين
" الله أمين الذى لا يدعكم تجربون فوق ما تستطيعون ، بل سيجعل مع التجربه أيضا المنفذ لتستطيعوا أن تحتملوا " . كورنثوس الآولى 10 : 13

أكبر و أول غلطه دايما بنعملها :
انك بتسمح لأبليس انه يتناقش معاك فى مشكلتك ، و بتاخد و بتدى معاه ...

اوعى تسيب لعدوك ثغره .. يلعب بالفكر المحتار
كل موناه يحفر لك حفره .. و يولع قلبك بالنار
ليه دايما بتخاف من بكره .. سللم ليسوع الأفكار

تانى غلطه بنقع فيها :
انك شايل مشكلتك على ظهرك و ماشى بيها . كأن نسخة الكتاب المقدس اللى معاك نسيوا يطبعوا فيها الوعد ده :
" تعالوا الىّ يا جميع المتعبين ، و الثقيلى الأحمال ، و أنا أريحكم " . متى 11 : 28

الاسم الخامس : الشفيع :
" ان أخطأ أحد ، فلنا شفيع عند الآب ، يسوع المسيح البار و هو كفاره لخطايانا ، ليس لخطايانا فقط ، بل لخطايا كل العالم أيضا " يوحنا الآولى 2 :1 و 2

الاسم السادس : المحامى :
" هكذا قال رب الجنود : من يمسكم يمس حدقة عينى "
أبداّ أبداّ مش متساب .. وحدى هنا فى دنيا الأتعاب
مليان قلبى سلام من وعدك .. رب المجد بذاته حاميك

أخى العزيز ، أختى العزيزه :
هقولك
ارجع و ارمى عالم فانى .. مش هتفكر ترجع تانى
ليه قلبك من الهم يعانى .. عمرك ضايع و انت الجانى
الموضوع مش محتاج أكتر من جمله واحده :
يارب انا بسلملك حياتى
جمله قولها الآن " بصدق "

" أكون صفوحا عن آثامهم ، ولا أذكر خطاياهم و تعدياتهم فيما بعد " . عبرانيين 8 : 1

انا جيت علشانك انت .. و انت شغلى الشاغل انت

مشتاق لرجوعك و انت .. فى عنادك زى مانتا

ده مكانك فىّ تعالى .. و العيشه بدونى محاله

بس أوعى تقسى قلبك .. لتضيع الفرصه منك

اذكرونى فى صلواتكم
وياريت كلنا نشكر يسوع على كل حاجة
لانه فعلا بيجرب ابنه علشان يفتكره دايما

يسوع يحافظ عليكم ويبارككم
[img] ليه يارب؟؟؟لييييه؟؟؟ 55533210

[/img]

» مصر ليك يارب احفضها
» بتتاخر ليه يارب
» ليه يارب بتسمح بالشر و الآلام
» ارسم يارب حياتي وانا مش همسك ايدك تانى .