** ياخساره**
انا يمكن مسيحى صحيح
لوعايز تتاكد اديلك اماره
سامحــنى لانى صريح
بص فى أيدى هتلاقى الاشاره
لكنى مازلت طريح لذنوب
كتير منها السيجاره
واللى يشوفنى يقول مسيحى
ياخسارة الاسم ياخساره
يمكن بصوم واصلى
بس صلاتى من غير حراره
اصرخ والعن فى الزمن
وابكى على حظى بمراره
اشكى متاعبى للبشر
وناسى طفل المغاره
واللى يشوفتى يقول مسيحى
ياخسارة الاسم ياخســـــاره
بصـــــــوم واصلى وكل قداس بتــناول
وانا قلبى من جوه اصعب من قلب شاول
كل ما أبونا يقولى توب
اقوله ياابونا خلاص هحاول
ساعه كدا.. وساعه كدا
عايش.. وفاكرها شطاره
واللى يشوفنى يقول مسيحى
ياخــــسارة الاسم ياخساره
سيـــجاره ازاى تتحكم فيا
واشربها لحد ما ابقى ضحيه
اللى يقولى اشرب واتكيف
عمره مايوم كان قلبى عليا
اتكيف بسيجاره وشيشه
ويسوع دمه نازل بغزاره
واللى يشوفنى يقول مسيحى
ياخسارة الاسم ياخساره
بارك يارب خدمة ابنك:وائل