بعد ما ضاع منى حب عمرى زى شباب كتير أعرفهم وكنت متوقع انى سانهار وابكى وعلى الاقل اخد اجازه من الشغل اسبوع احزن فيه عليها الغريبه انه دا كله ماحصلش مع زحمة الحياة وسرعتها مافيش وقت حتى احزن على اللى راح منى لانه خلاص راح فقررت انى ما انكسرش وانى ما اضعفش واصلى ربنا يبعتلى واحده تانى احبها وتحبنى عشان كدا كتبت
احب تانى
انا نفسى فى واحــــــده احبها تانى.....وهـيا تكون حبانى بجد
قبل ما أقولها يوم وحـــــــــشانى .... هى تكون سابقـانى بالرد
تقولى مافيش فى حياتى غيرك انتا ..لا كان قبلك ولا بعدك حد
مش عايز واحده تكون نكــــــــديه... تخلى النِفس قوام تتـسد
انا عايز واحده بدم خفــــــــــيف ... دايما ضحكتها على الخد
وياها ايامـــــى تعدى بــــسرعه ... وسنيــــنى مش راح تتعد
وياها مش هــــعرف ايه احزان... بضحكتها الاحزان تــــتهد
تدينى امل وســــــتعاده وحـــب ... ولبــــكره تخلـــــينى اتشد
تحلى عذاب الكون فى عنيــــا ...وعمرى يزيد لــــــسنين يتمد
ياترى ممكن الاقى فى زمنا داواحده... تعيـــش ويايا ايام الغد
اســكن ليالى فى حـــــضنها....... تيـشيــلنى جوه فى قلــبها
تخاف علـــــــــــــيا من الهوا ....واخاف لنــــسمه تمســـــها
تكون جمـــــــيله حنيــــــــنه ........ تــــمش ماحــــدش قدها
صوتها بيعــزف على القلوب.... تقــتل بعيــــــــنها ورمشها
زى الملايكـــه بريئه هـــاديه .....البسمــــــه ساكنه فى خدها
نزعل ســوا نـــفرح ســـــوا .......ماهو مره جزر ومره مد
انا نفسى فى واحده احبها تانى.... وهيا تكون حبـــانى بــجد
صلولى عشان الاقيها..وائل جميل
موضوع: أحب تانى 
الإثنين فبراير 14, 2011 8:51 pm
