لديك ( 1 ) رساله خاصة

موضوع جميل جدا وسؤال كان نفسى حد يسالهولى من زمان
وساعترف باغرب رساله جاتنى من واحده كنت بحبها
وهى رساله شفويه وليس مكتوبه ارسلتها لى مع واحده تانيه بتقولى هى خلاص اختارت نصيبها وانتا ربنا يبعتلك نصيبك.. كلمات عاديه جدا وبسيطه لكنها كانت شافيه كافيه رغم ان الكثير نصحونى من قبل بهذه الكلمات ولكنى لم اكن اسمع من قبل وكانى لم اكن اعلم ان فى اللغه العربيه كلمات كهذه كانت اذناى اول مره تستوعبها والغريب فى الرساله انها على قد مااحزنتنى افرحتنى وعلى قد ما صدمتنى شجعتنى ارمى الماضى ورائى وانظر لمستقبلى على قد ما بكيت ضحكت
ومن ساعتها بفتكرها بكل خير ودى كانت حكايتى مع الرسائل

هههههههههه فكرة حلوة
انا بقى اغرب رسالة وصلتنى كانت لا مكتوبة ولا شفوية بس كانت ليها اثر كبيييييير جدا عليا
انا كنت ماليش اى علاقة بالبابا كيرلس ولا عمرى طلبت شفاعتة بالرغم من ان بابايا ومامتى ديما يطلبوه وكنت ديما بشوف انه عادى يعنى بطريرك ومات وخلاص "وياريت مايكونش لسة فاكر" المهم فى يوم كان عندى امتحان وانا لسة فى بداية حياتى الجامعية وكانت فية واحدة صحبتى بتسألنى على حاجة فى الاسئلة وهى مش فاهماها وفى لحظة لقيت مراقب الدور جاى وبيشد مننا الورقة وفجأه بصلى وراح جايب ورقة من ملخص وحطها فى ورقتى وكأنى كنت بغش منها وساب ورقة البنت التانية عشان مسلمة واستغربت وفقدت الوعى وبعدين اول ما فقت لقيت نفسي بقول يا بابا كيرلس . ساعتها جابونى عند المراقب دة وخلانى بالقوة اشطب على كل اللى كنت كتباة وقاللى هشيلك المادة بس ومش هعملك محضر غش وعاش الدور انى كنت بغش وكأنة مش هو اللى حطلى الورقة و بعديها روحت البيت وانا منهارة ومش عارفة اعمل اي حاجة وفضلت اصلى واطلب من البابا كيرلس انه يسامحنى لحد م اتفاجأت يوم النتيجة انى نجحت فى المادة دى وبتقدير حلو ومن يومها ورسالة البابا ليا بعتبرها من الرسايل اللى عمرى ما هنساها فى حياتى

شفاعه البابا كيرلس معانا امين