مناجاه لرب المجد يسوع ..........

يارب نفسى احكى معاك

نفسى اكلمك و اسمعك بتكلمنى

انا تعبت يارب و محدش حاسس و لا بيفهمنى

قلبى حزين اوى يارب عارف لية

علشان جرحك و خانك و باعك بأرخص الاتمان

انت عارف انا قد اية بحبك و مش عايزة اجرح قلبك الحنان

بس ضعفى تعبنى كسرنى خلانى مش انسان

ياما قلت هرجع خلاص ياما وعدت انى اتوب

يوم و اتنين و ارجع تانى اخون و اجرح فى غافر الذنوب

فى حد يحب حد و يجرحة فى حد يحب حد و يدبحة

فاكرة زمان ايوا زمان كنت فى حضنك متشال

كنت حاسة بالأمان و السلام و الحزن دة فى قلبى ملوش مكان

من يوم ماسبتك و الحزن بقى عنوانى و دموعى ملزمانى

نفسى ارجع لحضنك تانى نفسى ارتاح

تعبت ربى من الخطية و النواح

مد ايدك يارب و انتشلنى انا فى بحر من الخطية بيغرقنى

و انا ضعيف يارب و مجدافى مكسور و مفيش حد بينجدنى

انا سامع صوتك من بعيد عمال يندهنى

كلى امل انك فى يوم هطلعنى و تنقذنى

" انتظر الرب فليتشدد و ليتشجع قلبك و انتظر الرب "