خادم فى نظر الناس .. و خادم فى نظر الله (مقارنة)

كانوا اتنين خدام فى الكنيسة ... فريد و مينا

فريد ... بيحب يشرح فى الدرس بصوت عالى اوى عشان صوته جميل
مينا ... هادى و وقور و صوته واصل لولاده فى الخدمة بوضوح

فريد ... مثقف و بيتكلم كلام كبير اوى و يستخدم كلمات صعبة و هو بيكلم اولاده اللى فى سنة تانية ابتدائى
مينا ... بيوصل المعلومة بكذا طريقة و بكلمات سهلة جدا و ساعات بينزل لمستوى عقولهم الصغير عشان يفهمهم

فريد ... بيحضر القداس اسبوع اه و اسبوع لا و بيعاقب اللى مابيجيش القداس
مينا ... مايقدرش يفوت قداس عشان يبقى قدوة لاولاده و فى نفس الوقت مابيعقبش حد

فريد ... بيحب يقول انا فاهم كل حاجة و ذكى عشان كدة انا درسى جميل و بيشد الاولاد
مينا ... بيقول نشكر الله هو اللى بيقولى على الدرس اللى اشرحة و الكلام اللى الاولاد محتاجين يسمعوه

فريد ... مايقدرش يروح الخدمة غير على سنجة عشرة و ملمع الجزمة
مينا ... عارف ان فيه اولاد عنده فقراء عشان كدة بيلبس لبس عادى جدا زيه زي اقل واحد فيهم

فريد ... مش دايما بيحط عطا لكن دايما بيقول (العطا يا جماعة .. سامى انت ماديتش المرة اللى فاتت )
مينا ... قبل مايلم العطا بيدى الهدايا الجميلة اللى بيحبها الاولاد و بيحط العطا هو الاول عشان الاولاد تتعلم منه و اللى مايقدرش مابيكلموش

بعد الدرس فى الصلاه

فريد ... بيقف ورا الاولاد و بيقولهم ( كمال صلى .... و انت يا فؤاد اقف كويس انت قدام ربنا ... هايدى انتى مشقافلة عنيكى ليه و انت بتصلى ... سارا ارفعى ايدك و انت بتصلى )
و يصلى و يقول ( يا رب هاتلنا كل اللى عايزينه و نجحنا و فرحنا)

مينا ... بيقف قدام الاولاد عشان يكون قدوة ليهم و يرفع ايده و يقفل عينيه و بيقف ثابت و بيقول
(اشكرك يا رب على كل نعمك الكتيرة.. بارك حياتنا و املاها بروحك و لتكن مشيئتك دائما)

فريد ... بعد مايخلص يمشى على طول
مينا ... بياخد الاولاد و يلعب معاهم و يفرحهم

فريد ... نايم
مينا ... خد الاولاد عشان يسلموا على ابونا قبل مايماشوا و يبوسوا ايده

فريد ... لسة نايم
مينا... ( اشكرك يا رب على ارشادك لينا ..ارجوك يا الهى اجعلنى امين فى خدمتى .. لك المشيئة الى الابد امين)

فريد .................... خادم كويس جدا فى نظر الناس
مينا .................... خادم الله

الخدمة مش للناس
الخدمة لربنا يعنى قبل ماتعمل حاجة لازم تعرف انك بتخدم الله نفسه

خليك امين فى الخدمة حتى لو على حساب صحتك و وقتك ...ماتقلقش ربنا هيعوضك

و خد بالك انت مراية للاولاد يعنى خد بالك من تصرفاتك دايما مش قدامهم بس

انت بتعلمهم و لما تقولهم حاجة انت اول واحد تنفذها عشان تكون قدوة ليهم

ماتعملش حاجة انت بتقول لا

ولادك مايعملوهاش

ربنا يبارك كل خادم